జూన్ 1, 16, 30వ తేదీలలో ఏకాదశి, జూన్ 1న శ్రీ మహీజయంతి, జూన్ 6వ తేదీ బుద్ధ జయంతి, చంద్రదర్శనం, జూన్ 17 నుంచి 19వ తేదీ వరకు శ్రీవారి జ్యేష్టాభిషేకం, జూన్ 20వ తేదీ శ్రీవారి పౌర్ణమి గరుడోత్సవం, మే 31వ తేదీ తిరుమలలో హనుమజ్జయంతి వేడుకలు జరుగనున్నాయి.
శరణాగత భక్తికి ఆదర్శనంగా నిలిచిన ఆంజనేయ స్వామివారి జయంతిని తితిదే నిర్వహించడం ఆనవాయితీగా వస్తోంది. ఇందులో భాగంగా శ్రీ బేడీ ఆంజనేయస్వామివారి ఆలయంలో ఉదయం 8 నుంచి 9 గంటల వరకు ప్రత్యేక పూజా కార్యక్రమాలు నిర్వహిస్తారు. ఏడో మైలులో వెలసి ఉన్న శ్రీ ప్రసన్న ఆంజనేయస్వామి విగ్రహం వద్ద సాయంత్రం 3 గంటలకు పూజలు చేస్తారు.
