సీతాఫల్ మండి మధురానగర్ కాలనీలో లక్ష్మి కాంత్ శర్మ మారుతి జ్యోతిష్యాలయాన్ని నిర్వహిస్తున్నారు. ఈ నెల తీన్మార్ మల్లన్న తనకు ఫోన్ చేసి రూ.30 లక్షలు డిమాండ్ చేసాడని, ఇవ్వకుంటే తప్పుడు వార్తా కథనాలు ప్రచారం చేస్తానని బెదిరించినట్లు లక్ష్మి కాంత్ శర్మ పోలీసులకు ఇచ్చిన ఫిర్యాదులో పేర్కొన్నారు.
డబ్బు ఇవ్వకపోవటంతో ఈ నెల 20న తనపై తప్పుడు కథనాలు చేసినట్లు కూడా తెలిపారు లక్ష్మి కాంత్ శర్మ. 22 వ తేదీ రాత్రి పోలీసులకు రాత పూర్వకంగా ఫిర్యాదు చేయటంతో తీన్మార్ మల్లన్న పై ఐపీసీ 387, 504 సెక్షన్ల కింద కేసు నమోదు చేసి దర్యాప్తు చేస్తున్నట్లు పోలీసులు పేర్కొన్నారు.
