వేసవి కాలం వచ్చిందంటే మామిడిపండ్ల కోసం జనాలు ఆతృతగా ఎదురు చూస్తుంటారు. అందులో మామిడిపండ్ల రారాజుగా ఉన్న బంగినపల్లి మామిడిపండు అంటే పడిచచ్చిపోతారు. అయితే, ఇపుడు బంగినపల్లిని పోలిన మరో కొత్త రకం మామిడి పండును ఆవిష్కరించారు. దీనికి గంగా అని నామకరణం చేశారు. ఈ కొత్త గంగా మామిడిపండును తెలంగాణ మంత్రి జగదీశ్ రెడ్డి చేతుల మీదుగా ఆవిష్కరించారు.
ఈ మేరకు హార్టికల్చర్ రంగంలో విశిష్ట గుర్తింపు ఉన్న గంగా నర్సరీ అధినేత ఐ.సి. మోహన్ ఆ వంగడాన్ని మంత్రి గుంటకండ్ల జగదీష్ రెడ్డితో ఆవిష్కరింపజేశారు. ఆధునిక పరిజ్ఞానంతో ఫార్మ్ హౌజ్‌లకు సరికొత్త డిజైన్‌లను రూపొందించే మోహన్ మామిడిలో నూతన వంగడాన్ని సృష్టించడం అద్భుతమైన ప్రయోగం" అంటూ మంత్రి జగదీష్ రెడ్డి అభివర్ణించారు.
