కీర్తి సురేష్, సమంత, అర్జున్ రెడ్డి హీరో హీరోయిన్లు నటిస్తున్న మహానటి సినిమాకు సంబంధించి కొత్త వార్తొకటి ఫిలిమ్ నగర్ వర్గాల్లో చక్కర్లు కొడుతోంది. "మహానటి'' టైటిల్‌తో సావిత్రి జీవితచరిత్రను దర్శకుడు నాగ్ అశ్విన్ తెరకెక్కిస్తోన్న సంగతి తెలిసిందే. ఈ చిత్రంలో ఎస్వీఆర్ పాత్రలో విలక్షణ నటుడు మోహన్ బాబు పోషిస్తున్నట్లు తెలుస్తోంది. మాయా బజార్లో ''ఘటోత్కచుడు''గా ఎస్వీఆర్ పై చిత్రీకరించిన ''వివాహభోజనంబు'' పాటను ఇప్పటికీ మరిచిపోలేం.
ఎస్వీఆర్‌గా మోహన్ బాబుపై ఆ పాటను చిత్రీకరించే ఆలోచనలో మహానటి దర్శకులు వున్నట్లు తెలిసింది. ఇప్పటి టెక్నాలజీని ఉపయోగించి ఆ పాటను మరింత అద్భుతంగా తెరకెక్కించాలని నాగ్ అశ్విన్ భావిస్తున్నట్లు ఫిలిమ్ నగర్ వర్గాల్లో టాక్. అదే కనుక జరిగితే ఈ సినిమాలో మోహన్ బాబు రోల్ హైలైట్ కావడం ఖాయమని సినీ పండితులు జోస్యం చెప్తున్నారు.
