ఈ సందర్భంగా పుట్టినరోజు శుభాకాంక్షలను తెలిపింది ‘మహానటి’ యూనిట్‌. సావిత్రి బయోపిక్‌లో కీర్తి సురేష్ లీడ్‌ రోల్‌లో నటిస్తుండగా, ఈ సందర్భంగా ఓ పోస్టర్‌ను విడుదల చేస్తూ, దాని ద్వారా బర్త్‌డే విషెస్‌ తెలిపింది.
ఈ పోస్టర్‌లో ఆమె కళ్లు, బొట్టు మాత్రమే కనిపిస్తుండగా, "ఆకాశ వీధిలో అందాల జాబిలి" అనే క్యాప్షన్‌ను పెట్టి, హ్యాపీ బర్త్‌డే టు వన్‌ అండ్‌ ఓన్లీ మహానటి అంటూ కామెంట్‌ పెట్టారు. ప్రస్తుతం ఈ లుక్‌ సోషల్‌ మీడియాలో హల్‌చల్‌ చేస్తుండగా, కీర్తి సురేష్ సావిత్రిని తలపిస్తుందని అభిమానులు తమ అభిప్రాయాలను తెలుపుతున్నారు.
ఇక ఈ చిత్రంలో సమంత, దుల్కర్‌ సల్మాన్‌, విజయ్‌ దేవరకొండ, షాలిని, ప్రకాష్‌ రాజు, మోహన్‌బాబు తదితరులు ముఖ్య పాత్రలలో కనిపించనున్నారు. 'ఎవడే సుబ్రమణ్యం' ఫేమ్‌ నాగ్‌ అశ్విన్‌ తెరకెక్కిస్తున్న ఈ మూవీని ప్రముఖ నిర్మాత సి.అశ్వనీదత్‌ నిర్మిస్తుండగా, మిక్కీ జే మేయర్‌ సంగీతాన్ని సమకూర్చుతున్నాడు.
