టాలీవుడ్ ప్రిన్స్ మహేష్ బాబు. వరుస హిట్లతో అగ్ర హీరోగా కొనసాగుతున్నాడు. సరిలేరు నీకెవ్వరు చిత్రం తర్వాత ఈ హీరో నటించనున్న చిత్రం పేరు సర్కారువారి పాట. గీతగోవిందం దర్శకుడు పరశురాం ఈ చిత్రాన్ని తెరకెక్కించనున్నారు. ఆసక్తికరమైన టైటిల్‌తో ఈ చిత్రాన్ని తెరకెక్కిస్తున్న పరశురాం... ఈ చిత్రానికి సంబంధించి ప్రీ లుక్‌ని కూడా విడుదల చేశారు.
ఇకపోతే, ఈ చిత్రంలో హీరోయిన్‌గా కీర్తి సురేష్ పేరును ఖరారు చేశారు. మహేష్‌తో ఈమె నటించడం ఇదేతొలిసారి కావడం గమనార్హం. ఈ విషయం స్వయంగా ఆమె తెలిపింది. 'సర్కారు వారి పాట'లో హీరోయిన్‌గా చేస్తున్నానంటూ ఆమె తెలపడంతో ఈ సినిమాపై మరింతగా అంచనాలు పెరిగాయి.
డైరెక్టర్ పూరీ జగన్నాథ్, హీరో విజయ్ దేవరకొండ కాంబినేషన్‌లో పాన్ ఇండియా ఫిల్మ్‌గా రూపుదిద్దుకుంటున్న ఫైటర్ చిత్రంతో టాలీవుడ్‌కి పరిచయమవుతున్న హీరోయిన్. అనన్యను ఈ చిత్రంలో రెండో హీరోయిన్‌గా నటింపజేసేందుకు పరశురాం ప్రయత్నిస్తున్నట్టు సమాచారం.
