మలైకా అరోరా-అర్బాజ్ ఖాన్‌ల విడాకుల వార్తలు తుస్సేనా..?

బాలీవుడ్ స్టార్ జంట మలైకా అరోరా, ఆమె భర్త ఫిల్మ్ మేకర్ అర్బాజ్ ఖాన్‌ల మధ్య మనస్పర్ధలు వచ్చాయని.. వారిద్దరూ విడాకుల కోసం కోర్టు మెట్లెక్కారని వార్తలు వచ్చిన సంగతి తెలిసిందే. విడాకుల కోసం ఇద్దరూ గత నవంబరులో తమ లాయర్లతో ఓ ఫ్యామిలీ కోర్టును ఆశ్రయించారు. కానీ విడాకుల్లేవ్.. విందులే అన్నట్టు ఇద్దరూ తరచూ కలిసి కనబడుతున్నారు.

తమ కుమారుడి పుట్టిన రోజు వేడుకలోనో.. పండుగలోనూ ఈ జంట బాగా ఎంజాయ్ చేస్తూ అందిరికీ షాక్ ఇచ్చారు. ఈ విందు ఫోటోలు సైతం నెట్‌లో హల్ చల్ చేయడంతో విడాకుల వ్యవహారమంతా తూచేనా అని గుసగుసలాడుకొంటున్నారు.

అర్బాజ్‌తో కలిసి ఈ 43 ఏళ్ళ అమ్మడు గోవాలో న్యూ ఇయర్ సెలబ్రేషన్స్ జరుపుకోవడం చూసి వీళ్ళంతా ముక్కున వేలేసుకున్నారు. ఈ ఫోటోను మలైకా సోదరి, నటి కూడా అయిన అమృతా అరోరా సామాజిక మాధ్యమాల్లో పోస్ట్ చేసింది. ఈ సెలబ్రేషన్స్‌లో వీరి కొడుకు అర్హాన్, తల్లి కూడా పార్టిసిపేట్ చేయడం విశేషం.