ప్రాథమిక పరీక్షల తర్వాత, ఛాతీలో అసౌకర్యం ఉందని అతను ఫిర్యాదు చేస్తూనే ఉండటంతో, వైద్య సహాయం కోసం అతన్ని ఆసుపత్రికి తరలించారు. అయితే, రైల్వే కోడూర్ గ్రామీణ సిఐ వెంకటేశ్వర్లు ఈ సంఘటనపై స్పందించారు. ఇదంతా డ్రామా అన్నారు. ఛాతీ నొప్పి, అసౌకర్యం గురించి ఫిర్యాదు చేస్తూ పోసాని డ్రామా చేశారన్నారు. పోసానికి అవసరమైన అన్ని పరీక్షలు చేయడం జరిగింది. పూర్తి ఆరోగ్యంతోనే పోసాని వున్నారని సీఐ వెల్లడించారు.
పోసాని ఆరోగ్య పరిస్థితి గురించి ఇప్పుడు ఆందోళన చెందాల్సిన అవసరం లేదని సీఐ పేర్కొన్నారు. పోసాని తీవ్ర అనారోగ్యంతో ఉన్నారని, ఆయనకు చికిత్స అవసరమని వైసీపీ సోషల్ మీడియా కార్యకర్తలు విస్తృతంగా ప్రచారం చేయగా, ఏపీ పోలీసులు మాత్రం ఇవన్నీ అసత్యాలని తోసిపుచ్చారు.
