మలయాళీ ముద్దుగుమ్మ భావన, కన్నడ నర్మాత నవీన్‌ల వివాహానికి ముహూర్తం కుదిరిందట. వీరిద్దరి నిశ్చితార్థం మార్చి 9న జరిగిన సంగతి తెలిసిందే. భావన ఆప్త మిత్రురాలు, మళయాళం నటి మంజూ వారియర్ సైతం నిశ్చితార్థానికి హాజరయ్యారు.
అయితే వివాహ వేడుక ఎప్పుడు వుంటుందనే దానిపై స్పష్టత రాలేదు. పెళ్ళి అక్టోబ‌ర్‌లో ఉంటుంద‌ని అంద‌రు భావించిన‌ప్ప‌టికి అనుకున్న టైంకి వీరి వివాహం జ‌ర‌గ‌లేదు. దీంతో పెళ్ళి క్యాన్సిల్ అయి ఉంటుందేమోన‌ని పుకార్లు వ‌చ్చాయి. తాజాగా భావన పెళ్లికి తేదీ కుదిరింది. వచ్చే ఏడాది 2018, జనవరి 22న భావన-నవీన్‌ల వివాహం వైభవంగా జరుగనుందని వార్తలు వస్తున్నాయి.
త్రిశూర్‌లో జరిగే వివాహానికి సన్నిహితులు, స్నేహితులు మాత్రమే హాజరవుతారని.. వివాహానికి అనంతరం రిసెప్షన్ ఏర్పాటు చేస్తారని తెలుస్తోంది. కాగా ఒంట‌రి, హీరో, మ‌హాత్మ వంటి తెలుగు చిత్రాల్లో న‌టించిన భావన గుర్తింపు సంపాదించుకున్న సంగతి తెలిసిందే.
