జబర్దస్త్ యాంకర్, నటీమణి అనసూయ తాజాగా సచ్చిందిరా గొఱ్ఱె అంటోంది. ఇదేంటి అనుకుంటున్నారు కదూ.. అనసూయ తదుపరి సినిమా పేరు ''సచ్చిందిరా.. గొఱ్ఱె''. ఈ చిత్రంలో జయమ్ము నిశ్చయమ్మురా సినిమాలో హీరోగా నటించిన కమెడియన్ శ్రీనివాసరెడ్డి, అనసూయ, టిల్లు వేణు తదితరులు నటిస్తున్నారు.
ఈ సినిమాకు శ్రీధర్‌ రెడ్డి యార్వా దర్శకుడు. దీపక్‌ ముఖుత్‌, ఎన్‌.ఎం.పాషా నిర్మాతలు. ఎంటర్‌టైన్మెంట్‌ స్టూడియోస్‌, సోహమ్‌ రాక్‌స్టార్‌ ఎంటర్‌టైన్మెంట్‌ బేనర్స్‌పై తెరకెక్కుతోంది. ఈ సినిమా మూడో షెడ్యూల్‌ చిత్రీకరణ జరుగుతోంది.
