ఈ సందర్భంగా హీరో నాని మాట్లాడుతూ, కెప్టెన్ టాస్క్‌లో భాగంగా కిరీటి గోడమీద పిల్లిలా వ్యవహరిస్తున్నాడని నాని అన్నాడు. అమ్మాయిల తరపున మాట్లాడుతూ, ఇతర కంటెస్టెంట్‌ల ఇమేజ్‌ను దెబ్బతీసే ప్రయత్నాలను కిరీటి చేస్తున్నాడని, అదేమైనా మగతనమా? అని ప్రశ్నించాడు. మాటలతో బాధపెట్టే ప్రయత్నం చేస్తున్నావని ఆగ్రహాన్ని వ్యక్తం చేశాడు.
ఇక తొలి రోజు నుంచి ఓ గ్రూప్‌గా ఏర్పడిన కొందరు తన ఇమేజ్‌ను దెబ్బతీసే ప్రయత్నాలు చేస్తున్నారని మరో కంటెస్టెంట్ కౌశల్ ఆరోపించాడు. తనకిచ్చిన టాస్క్‌లో భాగంగా ఓ పని చేస్తే, పదేపదే దాన్ని ఎత్తి చూపుతున్నారని, హౌస్‌లోని వాళ్లు కనీస మానవతా విలువలను చూపించడం లేదని వ్యాఖ్యానించాడు. అందరిదీ కపట ప్రేమేనని అన్నాడు. ఈ ఎపిసోడ్‌లో కౌశల్, తనీష్‌ల మధ్య ఉన్న విభేదాలు మరోసారి వెలుగులోకి వచ్చాయి. శుక్రవారం దాదాపు కొట్టుకునేంత పని చేసిన వీరు, నిన్న కూడా తమ వైఖరిని మార్చుకోలేదు.
