కీర్తి సురేష్ నేను శైలజ సినిమా ద్వారా తెలుగు తెరకు పరిచయం అయ్యింది. ఆ సినిమాతో మంచి గుర్తింపు కూడా సంపాదించుకుంది. నిత్యామీనన్ అంటే తనకెంతో ఇష్టమని.. ఆమె బాటలో నడుస్తానని చెప్పింది. ఇంకా సీనియర్ హీరోయిన్లలోని మంచి క్వాలిటీని గుర్తించి.. వాటిని అనుసరించి సినీ ఛాన్సులను ఓకే చేస్తోంది. తాజాగా తమిళంలో విజయ్ సరనస నటిస్తుంది.
విజయ్ ఎంతో ప్రతిష్టాత్మకంగా భావిస్తున్న 60వ సినిమాలో హీరోయిన్‌గా కీర్తి సురేష్‌ని దర్శకుడు భరతన్ ఎంచుకున్నాడు. కీర్తి సురేష్ స్థానంలో మొదట కాజల్ అనుకున్నారు. ఇప్పటికే వీరిద్దరి కాంబినేషన్లో తుపాకి, జిల్లా సినిమాలు వచ్చి సూపర్ హిట్ అయ్యాయి. కానీ ఎందుకో మరి కాజల్‌ను పక్కనబెట్టిన విజయ్, 60వ సినిమాలో కీర్తి సురేష్‌కు ఛాన్స్ ఇచ్చాడు.
ఈ సినిమాలో విజయ్ ద్విపాత్రాభినయంలో నటిస్తున్నాడు. అందులో ఓ పాత్రలో కాలేజీకి వెళ్ళే కీర్తి సురేష్‌ని వెంటపడి ప్రేమలో పడేసే పాత్ర. వీరిద్దరూ కాలేజీ‌లో ప్రేమించుకునే సన్నివేశాలను చెన్నైలో చిత్రీకరిస్తున్నారు. ఇందుకోసం కాలేజీ సెట్ కూడా వేశారట. అంతేగాకుండా వీరిద్దరి మధ్య లవ్ సీన్స్ బాగా పండాయట.! మొత్తానికి కీర్తి సురేష్ విజయ్ ప్రేమలో పడిందా.. అన్నట్లు సీన్స్ అదిరిపోయాయట..!
