'జల్సాలు చూపిస్తూ అజ్ఞాతవాసంలో వేసేస్తాడు జాగ్రత్త.. నమ్మకద్రోహి' : పూనమ్ కౌర్

టాలీవుడ్ హీరోయిన్ పూనమ్ కౌర్ మరోమారు హాట్‌టాపిక్‌గా మారింది. ఆమె గతంలో నటి శ్రీరెడ్డికి కౌంటర్ ఇచ్చి... హీరో పవన్ కళ్యాణ్‌కు సపోర్టుగా మాట్లాడింది. ఆ సమయంలో పూనమ్ కౌర్ చేసిన వ్యాఖ్యలు వివాదాస్పదమయ్యాయి. ఇపుడు ఓ టాలీవుడ్ దర్శకుడుని లక్ష్యంగా చేసుకుని విమర్శలు గుప్పించింది. ఇది ఇపుడు ఫిల్మ్ నగర్‌లో హాట్‌టాపిక్‌గా మారింది.

తన ట్విట్టర్ ఖాతాలో పూనమ్ కౌర్ చేసిన ట్వీట్స్‌ను ఓసారిపరిశీలిస్తే, 'జల్సాలు చూపిస్తూ అజ్ఞాతవాసంలో వేసేస్తాడు జాగ్రత్త .. నమ్మకద్రోహి' అంటూ ట్వీట్ చేసింది. ఆ తర్వాత 'ఆ నాలుగు కుటుంబాలకు దగ్గరగా ఉండటం.. ఎన్నారై హీరోయిన్లకు అవకాశాలు ఇవ్వడం ఆ దర్శకుడికి అలవాటు. నాకు హిట్లు లేవనే సాకులు చెప్పి ఆ ఎన్నారై హీరోయిన్‌కు అవకాశం ఇచ్చాడు. మరి ఆ ఎన్నారై హీరోయిన్‌కు హిట్లు ఉన్నాయా? ఆ ఎన్నారై హీరోయిన్లు మీరు చెప్పిన పనులు బాగా చేస్తారని విన్నాను.. అలాంటి ఉద్యోగాలు చేయకపోవడమే మంచిది' అంటూ ఆమె తన ట్వీట్‌లో రాసుకొచ్చింది. 

ఇపుడు పూనమ్ చేసిన ట్వీట్ గురించే అంతా చర్చించుకుంటున్నారు. ఆమె చేసిన ఈ ట్వీట్‌లో రెండు సినిమా పేర్లను వాడటంతో ఈ విషయం మరింత వేడెక్కింది. అదేసమయంలో ఆ దర్శకుడు ఎవరనే విషయంలో నెటిజన్లకు ఒక క్లారిటీ వచ్చేసింది. దీంతో ఈ వివాదం ఎక్కడి వరకూ వెళుతుందా అనేదే ఎవరికీ అర్థం కావడం లేదు.