సంక్రాంతికి కోడిపందేల్లా బాలయ్య, చిరంజీవి సినిమాలో పోటీకి సై అంటున్నాయి. మెగాస్టార్‌ చిరంజీవి నటించిన 150వ సినిమా ‘ఖైదీ నెంబర్‌ 150’ జనవరి 11న, నందమూరి హీరో బాలయ్య వందో సినిమా ‘గౌతమీపుత్ర శాతకర్ణి’ జనవరి 12న విడుదల కానున్నాయి.
ముఖ్యమంత్రి చంద్రబాబుకు వియ్యంకుడిగా, అధికార పార్టీ ఎమ్మెల్యేగా ఉన్న బాలకృష్ణ సినిమా రిలీజ్‌కు సినిమా హాళ్ల సమస్య ఉండదు. అదే సమయంలో సినీ నిర్మాత అల్లు అరవింద్‌కు రాష్ట్రవ్యాప్తంగా పెద్ద సంఖ్యలో సినిమా థియేటర్లు ఉండటంతో ఆయన బావ చిరంజీవి సినిమా విడుదలకు ఇబ్బందులు ఏమీ వుండవు.
చిరంజీవి 150వ సినిమా ఖైదీ నెం150, బాలకృష్ణ 100వ సినిమా గౌతమి పుత్రశాతకర్ణిల మీద డైరెక్ట్‌గా అటాక్ చేయకుండా.. సన్నాయి నొక్కులు నొక్కుతూ పిట్టకబుర్లు చెప్పుకొస్తూ చివరికి రెండు సినిమాలు వేస్ట్ సినిమాలే అన్నట్టు తేల్చాడు వర్మ. దీంతో అటు నందమూరి, ఇటు మెగా ఫ్యాన్స్ వర్మమీద కామెంట్ల వర్షం కురిపిస్తున్నారు. మరి వీటికి వర్మ ఏమంటారో?
