ఈ చిత్రంలో కథానాయికగా ఉక్రేనియన్ న‌టి మరియా ర్యాబోషప్కా ఎంపికైంది. ఈ విష‌యాన్ని నిర్మాణ సంస్థ‌లు సోమ‌వారంనాడు ప్ర‌క‌టించాయి. ఆమె ఇప్పటికే రెండు ఉక్రేనియన్ సినిమాల్లో నటించింది అంతేకాక ప్రసిద్ధ భారతీయ వెబ్-సిరీస్ స్పెషల్ ఆప్స్‌లో ప్ర‌ధాన పాత్ర పోషించింది. మ‌రియాకు సంబంధించిన నేడు విడుద‌ల చేసిన పోస్టర్‌లో ఆమె అందంగా కనిపిస్తోంది.
ఈ చిత్రం శివకార్తికేయన్‌కు 20వ చిత్రం. #SK20 విభిన్నమైన కాన్సెప్ట్‌తో కూడిన వినోదభరితమైన రొమాంటిక్ ఎంటర్‌టైనర్‌గా రూపొంద‌బోతోంది. ఈ చిత్ర కథ బేక్‌డ్రాప్ పాండిచ్చేరి, లండన్ నేపథ్యంలో ఉంటుంది. శ్రీ వెంకటేశ్వర సినిమాస్ ఎల్‌ఎల్‌పి, సురేష్ ప్రొడక్షన్స్, శాంతి టాకీస్ బ్యానర్‌లపై నారాయణ్ దాస్ నారంగ్, పుస్కుర్ రామ్ మోహన్ రావు, సురేష్ బాబు నిర్మిస్తున్నారు. ఈ చిత్రం తెలుగు, తమిళ భాషలలో రూపొందుతోంది. ఈ చిత్రానికి ఎస్ థమన్ సంగీతం అందిస్తుండగా, అరుణ్ విశ్వ సహ నిర్మాత.
రచయిత, దర్శకుడు: అనుదీప్ కె.వి
సంగీత దర్శకుడు: ఎస్ థమన్
నిర్మాతలు: నారాయణ్ దాస్ నారంగ్, పుస్కుర్ రామ్ మోహన్ రావు, సురేష్ బాబు
