ఎన్నికలు ముగిసినా అల్లర్లు ఆగడంలేదు. అక్కడక్కడా కొన్నిచోట్ల చెదురుమదురు సంఘటనలు జరుగుతూనే వున్నాయి. తాజాగా ఆళ్లగడ్డలో మరో ఘటన చోటుచేసుకుంది. నిన్నరాత్రి తెదేపా మాజీ ఎమ్మెల్యే అఖిలప్రియ బాడీగార్డు నిఖిల్ పైన హత్యాయత్నం జరిగింది. వేగంగా కారుతో ఢీకొట్టారు.
ఆ తర్వాత కారు నుంచి ముగ్గురు వ్యక్తులు దిగి కింద పడిని నిఖిల్ పైన దాడి చేసేందుకు ప్రయత్నించారు. కానీ ఈలోపుగానే గాయపడిన నిఖిల్ పైకి లేచి పరుగుపెట్టాడు. వారంతా ఇంటికి సమీపించి ప్రతిఘటన ఎదురవడంతో అక్కడి నుంచి పారిపోయారు. కాగా ఈ దారుణానికి పాల్పడ్డవారు ఎవరో తెలియాల్సి వుంది.
