హైదారాబాద్ నగరంలో దారుణ హత్య జరిగింది. అదీ కూడా పట్టపగలు, నగరం నడిబొడ్డున ఈ హత్య జరిగింది. ఒకవైపు పోలీసు వాహనం ఆగివుండగా, ఆ పక్కనే పోలీసులు నిలబడివున్నారు. అయినా ఏమాత్రం పట్టించుకోని ఆ కిరాతకుడు ఓ వ్యక్తిని అడ్డంగా నరికేసి వెళ్లిపోయాడు. బుధవారం జరిగిన ఈ దారుణ హత్య వివరాలను పరిశీలిస్తే...
తనను రక్షించాలంటూ ఆ యువకుడు ఆర్తనాదాలు పెట్టినా పోలీసులు సాహసం చేయలేదు. అక్కడున్న వారు రక్షించేందుకు ప్రయత్నించినా.. అవతలి వ్యక్తి చేతిలో గొడ్డలి ఉండటంతో భయపడుతూ వెనక్కి తగ్గారు. దాడి తర్వాత పారిపోతున్న ఇద్దరు నిందితులను ట్రాఫిక్ పోలీసులు అడ్డగించి పట్టుకున్నారు. ఘటనాస్థలికి పోలీసులు చేరుకుని మృతదేహాన్ని స్వాధీనం చేసుకున్నారు. మృతుడి వివరాలు, ఎందుకు హత్య చేశారన్న విషయాలపై పోలీసులు ఆరా తీస్తున్నారు.
