భర్త వేధింపులు, వైవాహిక జీవితంలో ఒడిదుడుకులు, తాను పనిచేస్తున్న కంపెనీలో సమస్యల కారణంగా ఓ యువతి ఆత్మహత్య చేసుకుంది. విజయవాడ భవానీపురం హౌసింగ్ బోర్డు కాలనీకి చెందిన బండారు సౌజన్య నగరంలోని మధునగర్ కెనరా బ్యాంక్ బ్రాంచ్‌లో పనిచేస్తోంది. ఆమెకు నెల్లూరు జిల్లా ఉలవపాడుకు చెందిన వెంకటేశ్వర్లుతో నవంబర్ 2021లో వివాహం జరిగింది.
వైవాహిక జీవితం ఇక సంతోషంగా లేకపోవడంతో విడాకులు తీసుకోవాలని భావించింది కానీ, వృద్ధులైన తల్లిదండ్రులను నొప్పించకూడదనుకుంది. జీవితంలో ఆనందం లేకపోవడం, భర్తతో సఖ్యత లేకపోవడం వంటి కారణాలతో ఆమె తరచూ మనస్తాపానికి గురైంది.
