రాజేంద్రప్రసాద్ గారూ... మీ నాలుకను నేలకు రాయాలి... సినీ నటి కవిత..

ప్రత్యేక హోదాపై పోరాటం ఉదృతమవుతుంటే సినీ తారలు మాత్రం హాయిగా ఎసిల్లో కూర్చుని ఎంజాయ్ చేస్తున్నారంటూ ఎమ్మెల్సీ రాజేంద్రప్రసాద్ చేసిన వ్యాఖ్యలపై సినీ నటి కవిత మండిపడ్డారు. వెంటనే రాజేంద్రప్రసాద్ క్షమాపణ చెప్పడమే కాకుండా తన నాలుకను నేలకు రాసి మరోసారి ఇలాంటివి మాట్లాడకుండా ఒట్టు వేయాలన్నారు. 

నోటికి ఏదొస్తే అది మాట్లాడటం మంచిది కాదు. ప్రజల డబ్బుతో కులికే సినీతారలకు కష్టాలు తెలియవా అని ప్రశ్నించారు. కష్టాలు అందరికీ తెలుసు. సినీ తారలకు కూడా బాగా తెలుసు. మీరు ఏం మాట్లాడుతున్నారో ముందు తెలుసుకుని మాట్లాడండి..

సినిమా తారలు ఎన్నో కష్టాలు పడుతున్నారు. సినీ తారలు రాజభోగ్యం అనుభవిస్తున్నారని చెబుతున్నారు. మీరు ముందు సినిమా పరిశ్రమ గురించి తెలుసుకుని మాట్లాడితే బాగుంటుంది. ఇంకోసారి అవాకులు చవాకులు పేలి అనవసరంగా మమ్మల్ని ఇబ్బందుల్లో పెట్టి.. మీరు ఇబ్బంది పడొద్దండి అని హెచ్చరించారు సినీనటి కవిత.