ఆంధ్ర ప్రదేశ్ రాష్ట్ర విభజన జరిగిన తర్వాత ఉమ్మడి రాజధానిగా హైదరాబాద్ వుంది. ఈలోపుగా ఆంధ్ర ప్రదేశ్ రాష్ట్రంలో రాజధాని నిర్మాణం పూర్తి కావాల్సింది. కానీ అలా జరగలేదు. అమరావతి రాజధాని అని అప్పటి సీఎం చంద్రబాబు నాయుడు నిర్ణయం తీసుకుని ఆ మేరకు నిర్మాణాలు చేపట్టారు. ఐతే 2019లో అధికారంలోకి వచ్చిన వైసిపి... అమరావతి రాజధానిని అటకెక్కించింది. మూడు రాజధానులు తెరపైకి తెచ్చి దాన్ని కూడా అమలులోకి తీసుకురాలేకపోయింది. దీనితో రాజధాని లేని రాష్ట్రంగా ఏపీ మిగిలిపోయింది.
తిరిగి తెదేపా-జనసేన-భాజపా కూటమి అధికారంలోకి రావడంతో అమరావతి రాజధాని నిర్మాణం శరవేగంగా జరిగేందుకు చర్యలు తీసుకుంటోంది. ఇందులో భాగంగా ఈరోజు కేంద్రం ప్రవేశపెట్టిన budget 2024లో Andhra Pradesh రాజధాని Amaravati నిర్మాణానికి రూ. 15,000 కోట్లు కేటాయించింది. ఈ సందర్భంగా విలేకరులు కేంద్ర ఆర్థిక మంత్రి నిర్మలా సీతారామన్ ను పలు ప్రశ్నలు వేసారు. వీటిలో అమరావతి రాజధాని నిర్మాణానికి కేటాయించిన నిధులపై కూడా వేసారు.
