అమ‌రావ‌తి: అమెరికా అధ్యక్ష ఎన్నికల బరిలో ఉన్న డొనాల్డ్ ట్రంప్ పైన ఆంధ్రప్రదేశ్ ముఖ్యమంత్రి చంద్రబాబు నాయుడు సంచలన వ్యాఖ్యలు చేశారు. ఆయన బుధవారం నాడు వెలగపూడిలో మాట్లాడుతూ... మ‌న దేశ సంస్కృతి, సంప్ర‌దాయాలు ఏ దేశంలోనూ లేవ‌ని అన్నారు. అందుకే భార‌త‌దేశానికి ప్రపంచంలో అంత విలువ ఉంద‌న్నారు.
అమరావతిలో సీఎం ఛాంబర్‌ను ప్రారంభించిన అనంతరం చంద్రబాబు మీడియాతో మాట్లాడుతూ.... రిపబ్లికన్ల తరఫున అమెరికా అధ్యక్ష పదవికి పోటీపడుతున్న ట్రంప్ సతీమణి మెలానియాను ప్రస్తావించారు. భారతీయ కుటుంబ విలువల గురించి ప్రస్తావిస్తూ, ప్రపంచంలో ఎక్కడా లేని విధంగా బంధం, బంధుత్వాలు ఇండియాలో కొనసాగుతున్నాయని అన్నారు. అమెరికాలో ఒక్కొక్కరు ఎన్నో పెళ్లిళ్లు చేసుకుంటున్నారని, ట్రంప్‌కు ఇప్పుడు నాలుగో భార్య అనుకుంటానని అన్నారు. ఇన్నేసి పెళ్లిళ్లు చేసుకోవడం తాత్కాలిక ఆనందం కోసమేనని అన్నారు.
