భారత సార్వత్రిక ఎన్నికల కౌంటింగ్ రేపు జరగనుంది. ఆంధ్రప్రదేశ్‌ అసెంబ్లీ, పార్లమెంట్‌ ఎన్నికల కౌంటింగ్‌కు సిద్ధమైంది. కౌంటింగ్‌కు అవసరమైన ఏర్పాట్లను ఎన్నికల సంఘం పూర్తి చేసింది. కౌంటింగ్ ప్రక్రియ సజావుగా సాగేందుకు రాష్ట్రవ్యాప్తంగా భారీగా పోలీసు సిబ్బందిని మోహరించారు.
పోలింగ్ అనంతరం హింసాత్మక ఘటనలు చోటు చేసుకున్న సమస్యాత్మక ప్రాంతాలపై ఈసీ, పోలీసు శాఖ ప్రత్యేక దృష్టి సారించింది. ఈ ప్రాంతాలపై గట్టి నిఘా ఉంచారు. కౌంటింగ్ సమయంలో హింసను చెలరేగగల కొంతమంది రౌడీషీటర్లను అరెస్టు చేశారు. మరికొంత మందిని గృహనిర్బంధంలో ఉంచారు.
రెచ్చగొట్టే పోస్ట్‌లు, ఫోటోలు, వీడియోలను షేర్ చేయడం లేదా స్టేటస్‌లుగా పెట్టడం కూడా నిషిద్ధమని పేర్కొంది. ఈ విషయంలో వాట్సాప్‌లోని గ్రూప్ అడ్మిన్లు అప్రమత్తంగా ఉండాలని కోరారు.
