డా.బీఆర్ అంబేద్కర్ కోనసీమగా మారిన జిల్లా పేరు

ఏపీలో ఇటీవ‌లే 13 కొత్త జిల్లాల‌ను ఏర్పాటు చేస్తూ ప్ర‌భుత్వం ఉత్త‌ర్వులు జారీ చేసిన సంగ‌తి తెలిసిందే. ఏపీలో గతంలో 13 జిల్లాలు ఉండగా.. వాటిని 26 జిల్లాలుగా విభజించింది జగన్ ప్రభుత్వం. పార్లమెంట్ పరిధిని ఒక జిల్లాగా ఏర్పాటు చేసింది. 

విస్తీర్ణం ఎక్కువగా ఉన్న అరకు లోక్ సభ పరిధిలో మాత్రం రెండు జిల్లాలను ఏర్పాటు చేసింది. ఈ నేపథ్యలోకొత్త జిల్లాల‌కు సంబంధించి క‌స‌ర‌త్తు మొద‌లైన నాటి నుంచి కూడా కోనసీమ జిల్లాకు అంబేద్క‌ర్ పేరుపెట్టాల‌ని ద‌ళిత సంఘాలు, ప్ర‌జా సంఘాలు డిమాండ్ చేస్తూ వస్తున్నారు. 

ఈ నేపథ్యంలో కోన‌సీమ జిల్లా పేరు మారింది. డా.బీఆర్ అంబేద్కర్ కోనసీమ జిల్లాగా మారుస్తూ ఏపీ సర్కారు నిర్ణయం తీసుకుంది. ఏప్రిల్ 4 నుంచి కొత్త జిల్లాల పాలన అమలులోనికి వచ్చింది. 

జిల్లాలను విభజించిన జగన్ ప్రభుత్వం.. కొన్ని జిల్లాలకు ప్రముఖుల పేర్లు పెట్టింది. అల్లూరి, ఎన్టీఆర్ పేర్లు పెట్టారు. గతంలోనే కడప జిల్లాకు వైఎస్సార్ పేరు ఉంది.