స్టార్ పవన్ కళ్యాణ్ అభిమానుల జాబితాలో మొదట వినిపించే పేరు బండ్ల గణేష్. అయితే తాను అభిమానిని కాదు అని భక్తుడినని బండ్ల గణేష్ ఎప్పుడు చెప్తుంటారు.
కానీ ప్రజల కోసం ఓ పార్టీని స్థాపించి గత ఎన్నికలో పవన్ పోటీ చేయగా బండ్ల గణేష్ మాత్రం కాంగ్రెస్ కండువా కప్పుకున్నారు.
ఎన్నికల్లో కాంగ్రెస్ గెలవకపోతే అది కోసుకుంటా ఇది కోసుకుంటా అంటూ మాట్లాడి తీరా ఎన్నికలో ఓడిన తర్వాత పార్టీనుండి తప్పుకున్నారు.
ఇక తాను ఏ పార్టీలో లేను అని ఆ మధ్య క్లారిటీ ఇచ్చిన బండ్ల గణేష్ తాజాగా ఓ ట్విట్ చేసారు. అందులో 'తెలంగాణ రాష్ట్రంలో కూడా జనసేన ఓ మహాశక్తిగా అవతరించబోతుంది' అని పేర్కొన్నారు.
దాంతో ఆయన మళ్ళీ రాజకీయాల్లోకి రాబోతున్నాడు అని పవన్ స్థాపించిన జనసేనలో చేరబోయతున్నాడు అని ప్రచారం జరుగుతుంది. బండ్ల జనసేనలో చేరబోతున్నారు అని గుసగుసలు వినిపిస్తుండటంతో పవర్ స్టార్ అభిమానుల్లో ఆనందం నెలకొంది.
