ఈ వివరాలను పరిశీలిస్తే, మాదాపూర్‌లోని ఓ పబ్‌లో పటాన్‌చేరు మాజీ ఎమ్మెల్యే నందీశ్వర్‌ గౌడ్‌ కొడుకు అశీష్‌గౌడ్‌ హల్‌చల్‌ చేశాడు. పీకల్లోతు మద్యం మత్తులో మునిగి తేలిన ఆయన.. పబ్‌లోని యువతులతో అసభ్యంగా ప్రవర్తించాడు.
అతనిపై ఫిర్యాదు చేసినవారిలో తెలుగు రియాల్టీ షో బిగ్‌బాస్-2 ఫేం సంజనా కూడా ఉంది. మ్యూజిక్ ప్రోగ్రామ్‌లో తన చేయి తాకుతూ అశీష్ అసభ్యంగా ప్రవర్తిస్తూ.. అభ్యంతరకరమైన పదజాలం ఉపయోగించాడని ఫిర్యాదులో పేర్కొంది. తన ఫ్రెండ్స్‌తో కలిసి వచ్చి నోటికొచ్చిన బూతులు మాట్లాడారని చెప్పుకొచ్చింది. సంజన ఫిర్యాదు ఆధారంగా కేసు నమోదుచేసిన పోలీసులు దర్యాప్తు చేపట్టారు.
