బాలికల ఉన్నత విద్య.. "కలలకు రెక్కలు" ప్రారంభించిన చంద్రబాబు

బాలికల ఉన్నత విద్యకు ఆర్థిక ఇబ్బందులు అడ్డురాకూడదనే లక్ష్యంతో టీడీపీ-జనసేన-బీజేపీ కూటమి "కలలకు రెక్కలు" పథకాన్ని రూపొందించింది. అధికారంలోకి రాగానే అమలు చేయాలనే లక్ష్యంతో టీడీపీ అధినేత చంద్రబాబు నాయుడు గురువారం ఈ కార్యక్రమాన్ని లాంఛనంగా ప్రారంభించారు.

ఈ సందర్భంగా చంద్రబాబు మాట్లాడుతూ.. ఉన్నత విద్యను అభ్యసించే బాలికలకు ఆర్థిక పరిస్థితులు అడ్డంకిగా మారకూడదని ఉద్ఘాటించారు. ఆర్థిక ఆసరా లేకపోవడంతో ఇంటికే పరిమితం కాకుండా ఇలాంటి బాలికలకు బ్యాంకు రుణాలు అందించే కార్యక్రమం ‘కలలకు రెక్కలు’ అని ఆయన వివరించారు.

ఇంటర్మీడియట్ చదివి ఉన్నత విద్యను అభ్యసించాలనుకునే బాలికలు పొందే బ్యాంకు రుణాలకు ప్రభుత్వం గ్యారంటీ ఇస్తుందని చంద్రబాబు వివరించారు. ఈ రుణాలపై వడ్డీని కూడా ప్రభుత్వమే భరిస్తుందని ఆయన హామీ ఇచ్చారు. 

"కలలకు రెక్కలు" పథకంలో లబ్ధి పొందాలనుకునే బాలికలు చంద్రబాబు ఆదేశాల మేరకు పథకం వెబ్‌సైట్‌లో తమ వివరాలను నమోదు చేసుకోవాలి. టీడీపీ-జనసేన-బీజేపీ కూటమి అధికారంలోకి రాగానే ఈ పథకాన్ని అమలు చేయాలని యోచిస్తోంది.