ఆపద మ్రొక్కుల వాడా అనాద రక్షకా గోవిందా..గోవిందా అంటూ భక్తులు గోవింద నామస్మరణలు చేసుకుంటూ తిరుమలకు వస్తుంటారు. పిల్లలు, పెద్దలు ఇలా అందరూ సకుటుంబ సపరివార సమేతంగా తిరుమల క్షేత్రానికి వస్తుంటారు. ఆ స్వామివారిని దర్సించుకుని వెళుతుంటారు.
తిరుమల శ్రీవారి ఆలయంలోకి ఎలాగోలా భక్తులను అయితే అనుమతిస్తున్నారు. ప్రతిరోజు ఆఫ్‌లైన్ ద్వారా 3 వేల టిక్కెట్లు, ఆన్ లైన్ ద్వారా 9 వేల టిక్కెట్లను అందిస్తున్నారు. కానీ తిరుపతి కంటైన్మెంట్ జోన్‌లో ఉండడంతో ఆ 3 వేల టిక్కెట్లు కూడా ఆగిపోయాయి. ఇక మిగిలింది ఆన్‌లైన్ లోనే.
అయితే ఈ విషయాన్ని టిటిడి అధికారులు మాత్రం బయట పెట్టడం లేదు. బస్సులన్నీ ఖాళీగా ఉన్నాయి. ఒక్కో బస్సులో ఒకరు, లేకుంటే ఇద్దరు భక్తులు మాత్రమే కనిపిస్తున్నారు. సొంత వాహనాల్లో తిరుమలకు వెళ్ళే వారి సంఖ్య చాలా తక్కువగా ఉంది. ఎప్పుడూ భక్తులతో నిండుగా కనిపించే తిరుమల బోసిపోయి కనిపిస్తోంది. తిరుపతి కాస్త లాక్ డౌన్లో ఉండటంతో స్థానికులు దర్సనానికి వెళ్ళడం లేదు. ఈ పరిస్థితి నుంచి ఎప్పుడు బయటపడతామోనని టిటిడి అధికారులు, స్థానికులు దేవుడిని ప్రార్థిస్తున్నారు.
