మంగళవారం వెలుగులోకి వచ్చిన ఈ వివరాలను పరిశీలిస్తే, 'ఆలయవాణి' అనే వెబ్ రేడియోలో కుమారి అనే యువతి రేడియో జాకీగా పని చేస్తోంది. ఈ వెబ్ రేడియోకు గజల్ శ్రీనివాస్ బ్రాండ్ అంబాసడర్‌గా ఉన్నారు. ఈ క్రమంలో తనపై గజల్ శ్రీనివాస్ లైంగిక వేధింపులకు పాల్పడ్డారని ఆరోపిస్తూ బాధితురాలు పోలీసులకు ఫిర్యాదు చేసింది. ఈనెల 27వ తేదీన ఆమె సీసీఎస్ పోలీసులకు లిఖితపూర్వకంగానే కాకుండా, పలు ఆధారాలను, హార్డ్‌డిస్క్‌లను అందజేశారు.
ఈ ఆధారాలన్నింటినీ గత నాలుగు రోజులుగా పరిశీలించిన పోలీసులు... కేసు నమోదు చేసి గజల్ శ్రీనివాస్‌ను అదుపులోకి తీసుకున్నారు. ఈ సందర్భంగా పోలీసులు మాట్లాడుతూ, గజల్ శ్రీనివాస్ గత కొంతకాలంగా తనను మానసికంగా, లైంగికంగా వేధిస్తున్నారంటూ బాధితురాలు ఫిర్యాదు చేశారనీ అందువల్లే అదుపులోకి తీసుకున్నట్టు చెప్పారు.
