తెలంగాణ రాష్ట్ర పోలీసు శాఖ ఫ్రెండ్లీ పోలీసింగ్ విధానాన్ని అమలు చేస్తున్నట్టు గొప్పగా ప్రచారం చేస్తోంది. కానీ, నిందితుల పట్ల హైదరాబాద్ నగర పోలీసులు ప్రవర్తిస్తున్న తీరుచూస్తే ప్రతి ఒక్కరూ విస్తుపోవాల్సిందే. ముఖ్యంగా, మాదాపూర్ అడిషినల్ డీసీపీ ర్యాంకులో ఉన్న పోలీసు ఉన్నతాధికారి గంగిరెడ్డి ఓ నిందితుడిపట్ల ప్రవర్తించినతీరు ఇపుడు తీవ్రవిమర్శలకు దారితీసింది.
దీన్ని ఎవరో వీడియో తీసి సోషల్ మీడియాలో పోస్ట్ చేశారు. అంతే.. ఇది ఒక్కసారిగా వైరల్ అయింది. నెటిజన్లు తెలంగాణ రాష్ట్ర హోం శాఖ అమలు చేస్తున్న ఫ్రెండ్లీ పోలీసింగ్ విధానంపై దుమ్మెత్తి పోస్తూ, తీవ్ర విమర్శలు చేస్తున్నారు.
