కొన్ని సామాజిక మాధ్యమాలలో తుమ్మల చెరువు టోల్ ప్లాజా వద్ద జరిగిన వీడియోలను చూశామ‌ని, ఆ ఘటన శివారెడ్డి, సైదాభి అనే ఇద్దరు వ్యక్తుల మధ్య ఉన్న పొలం తగాదాలు కారణంగా చోటు చేసుకుంద‌ని ఎస్పీ తెలిపారు. ఈ ఘటన ఆదివారం జరిగిందని, సదరు సమాచారం అందిన వెంటనే పిడుగురాళ్ల పోలీస్ ఎఫ్. ఐ.ఆర్. 651/2021 కింద బాధితులు తెలిపిన సమాచారం మేరకు కేసు ద‌ర్యాప్తు చేపట్టార‌ని చెప్పారు.
గతంలో సైదాభి ఈ పొలం వివాదంలోనే శివారెడ్డిపై దాడి చేయగా, శివారెడ్డి ఫిర్యాదు మేరకు అక్టోబ‌రు 20న ఎఫ్.ఐ.ఆర్. 602/2021 కింద పిడుగురాళ్ల పోలీసులు కేసు నమోదు చేశార‌ని చెప్పారు. పొలం వివాదంలో ఉన్న పాత కక్షలను దృష్ట్యా ఈ ఘటన జరిగినది తప్ప, దీనిలో ఎటువంటి రాజకీయ కోణం లేదని అన్నారు. ఏదేమైనప్పటికి చట్టవ్యతిరేకమైన కార్యకలాపాలకు పాల్పడిన వారిపై కఠిన చర్యలు తీసుకోవడం జరుగుతుంద‌న్నారు. ఈ కేసుల్లో స‌త్వ‌రం స్పందించిన జిల్లా పోలీసుల‌కు ఉన్నతాధికారులు అభినందనలు తెలిపారు.
