తిరుప‌తి ప‌రిపాల‌న భ‌వ‌నంలో క‌ల్యాణ‌మ‌స్తు కార్య‌క్ర‌మం ఏర్పాట్ల‌పై అధికారుల‌తో ఆయ‌న స‌మీక్ష నిర్వ‌హించారు. మే 28వ తేదీ శ్రీ ప్ల‌వ‌నామ సంవ‌త్స‌రం వైశాఖ మాస బ‌హుళ విదియ శుక్రవారం మూల న‌క్ష‌త్రం సింహ లగ్నంలో మ‌ధ్యాహ్నం 12.34 నుండి 12.40 మ‌ధ్య సామూహిక వివాహ‌లు నిర్వ‌హించాల‌ని టిటిడి నిర్ణ‌యించింద‌న్నారు.
వివాహం చేసుకునే జంట‌ల‌కు రెండు గ్రాముల మంగ‌ళ‌సూత్రం, వ‌స్త్రాలు, వెండి మెట్టెలు, పుస్త‌క ప్ర‌సాదం, శ్రీ ప‌ద్మావ‌తి శ్రీ‌నివాసుల ల్యామినేష‌న్ ఫోటో, భోజ‌నాలు త‌దిత‌ర ఏర్పాట్లు సిద్ధం చేయాల‌న్నారు. ఏప్రిల్ చివ‌రిలో క‌ల్యాణ‌మ‌స్తుపై మ‌రోసారి స‌మీక్షించ‌నున్న‌ట్లు ఈవో చెప్పారు.
