నెల్లూరు జిల్లా ఆత్మకూరు అసెంబ్లీ నియోజకవర్గ శాసనసభ్యుడు, ఏపీ మంత్రి మేకపాటి గౌతం రెడ్డి హఠాన్మరణంతో ఉప ఎన్నిక అనివార్యమైంది. అయితే, ఈ స్థానం నుంచి మేకపాటి గౌతంరెడ్డి సతీమణి శ్రీకీర్తిని బరిలోకి దించాలని వైకాపా అధిష్టానం భావిస్తుంది. కానీ, ఉప ఎన్నికల్లో పోటీ చేసే అంశంపై మేకపాటు కుటుంబ సభ్యులు ఎలాంటి నిర్ణయం తీసుకోలేదు.
ఒకవేళ ఉప ఎన్నికల్లో మేకపాటి శ్రీకీర్తి పోటీ చేసిన పక్షంలో పోటీ నుంచి దూరంగా ఉండాలని ప్రధాన ప్రతిపక్షమైన టీడీపీతో పాటు.. జనసేన, బీజేపీ నేతలు భావిస్తున్నట్టు సమాచారం. అయితే, కాంగ్రెస్ పార్టీ మాత్రం తన నిర్ణయాన్ని వెల్లడించాల్సివుంది.
