ఐదు కోట్ల మంది ఆంధ్రుల హర్షధ్వానాలు, ఆశీస్సుల మధ్య ఆంధ్రప్రదేశ్ ముఖ్యమంత్రిగా నారా చంద్రబాబు నాయుడు ప్రమాణ స్వీకారం చేశారు. ఈ వేడుకలో బాబుతో పాటు ఆయన కేబినెట్లోని 24 మంది మంత్రులు కూడా ప్రమాణస్వీకారం చేశారు. ఈ చారిత్రాత్మక కార్యక్రమానికి ప్రధాని నరేంద్ర మోదీ, హోంమంత్రి అమిత్ షా, కేంద్ర ఆరోగ్య శాఖ మంత్రి జేపీ నడ్డా, పలువురు రాజకీయ, సినీ ప్రముఖులు హాజరయ్యారు.
