బీజేపీలో చేరికపై ఆసక్తికర వ్యాఖ్యలు చేశారు తెలుగుదేశం సీనియర్ నేత, మాజీ ఎంపీ జేసీ దివాకర్ రెడ్డి. కాంగ్రెస్ హయాం నుంచి బీజేపీలో చేరాలని తమ కుటుంబానికి ఆ పార్టీ పెద్దల నుంచి ఆహ్వానం వచ్చిందని, గతంలో బీజేపీ అధ్యక్షుడు జేసీ నడ్డా నుంచి కిందిస్థాయి కార్యకర్త వరకూ తనను బీజేపీలో చేరాలని సలహాలు ఇచ్చినట్లు చెప్పుకొచ్చారు జేసీ.
రాష్ట్రంలో తమకంటూ ఒక చరిత్ర ఉందని.. తాము తొందరపడి నిర్ణయాలు తీసుకోమన్నారు. తన స్వార్థం కంటే.. కుటుంబ చరిత్రను దృష్టిలో ఉంచుకుని నిర్ణయాలు తీసుకుంటానన్నారు. ఇక సొంత నియోజకవర్గమైన తాడిపత్రి ఎమ్మెల్యే పాలన బావుందని, ఆయన ఎంతో కష్టి చేస్తున్నారని కామెంట్స్ చేశారు.
ఇటీవల.. బీజేపీ ఎంపీ సీఎం రమేష్, టీడీపీ ఎమ్మెల్సీ బీటెక్ రవి అనంతపురం జిల్లా తాడిపత్రిలో జుటూరులోని జేసీ దివాకర్ రెడ్డి ఫామ్‌ హౌస్‌లో వీరు కలిశారు. సుమారు నాలుగు గంటల పాటు వీరు ముగ్గురూ చర్చించుకున్నారు.
