బుధవారం, వైద్య పరీక్షల అనంతరం విజయ్ పాల్‌ను కోర్టులో హాజరుపరిచి 14 రోజుల జ్యుడీషియల్ రిమాండ్ విధించారు. దీంతో పోలీసులు అతడిని గుంటూరు జిల్లా జైలుకు తరలించారు. ఈ కేసుకు సంబంధించి ప్రాసిక్యూషన్స్ జాయింట్ డైరెక్టర్ వి.రాజేంద్ర ప్రసాద్ కీలక ప్రకటనలు చేశారు.
ఈ కేసుకు సంబంధించి 27 మందిని విచారించినట్లు రాజేంద్ర ప్రసాద్ వెల్లడించారు. ఈ ఘటన సమయంలో అక్కడున్న వారందరినీ విచారించామని, రఘురామకృష్ణంరాజు నిజంగానే చిత్రహింసలకు గురయ్యాడని వారు తేల్చిచెప్పారని ఆయన ధృవీకరించారు.
