తాజాగా ఆంధ్రప్రదేశ్ భారతీయ జనతా పార్టీ (బిజెపి) అధ్యక్షురాలు దగ్గుబాటి పురంధేశ్వరి కూడా జగన్ మోహన్ రెడ్డి వ్యాఖ్యలను విమర్శించారు. ప్రజాస్వామ్యంలో "నాల్గవ సింహం"గా పరిగణించబడే అధికారులను బట్టలు విప్పి కొడతానని బెదిరించడం తీవ్ర అభ్యంతరకరమని.. పురంధేశ్వరి పేర్కొన్నారు. పోలీసులపై జగన్ మోహన్ రెడ్డి చేసిన వ్యాఖ్యలను మేము ఖండిస్తున్నామని పురందేశ్వరి అన్నారు.
శ్రీ సత్యసాయి జిల్లా పోలీసు సూపరింటెండెంట్ ఒక మహిళ అయినప్పటికీ, జగన్ మోహన్ రెడ్డి ఎటువంటి విచక్షణ లేకుండా తన ప్రకటన చేశారని ఆమె ఆరోపించారు. పోలీసు దళంలో దాదాపు 5,000 మంది మహిళలు పనిచేస్తున్నారని, జగన్ మోహన్ రెడ్డి ఈ విషయాన్ని గుర్తించాలని పురందేశ్వరి తెలిపారు.
జగన్ మోహన్ రెడ్డి చేసిన వ్యాఖ్యలు మొత్తం పోలీసు శాఖను కించపరిచేలా ఉన్నాయని, ముఖ్యమంత్రిగా పనిచేసిన వ్యక్తి అలా మాట్లాడటం సరికాదన్నారు. జగన్ మోహన్ రెడ్డి పోలీసు బలగాలకు అధికారికంగా క్షమాపణ చెప్పాలని పురందేశ్వరి డిమాండ్ చేశారు.
