"దొరకని దొంగ గుట్టు ర‌ట్టు" అంటూ తెలంగాణ మంత్రి కేటీఆర్‌కు సంబంధించి ఓ ఫొటోను కాంగ్రెస్ నేత రేవంత్ రెడ్డి పోస్ట్ చేశారు. '2016లో జ‌రిగిన అఫీషియ‌ల్ పోగ్రాంలో ‘అన‌ఫీషియ‌ల్‌’గా తేజారాజు సన్నాఫ్ స‌త్యం రామ‌లింగ‌రాజుతో మ‌లేషియ‌న్ ప్ర‌ధానిని క‌లిసి మంత‌నాలాడిన స్కాం స్టార్‌ కేటీఆర్‌కు ముందుంది ‘క్రోకోడైల్ ఫెస్టివల్’' అంటూ ఫేస్‌బుక్‌లో రాసుకొచ్చారు.
తెలుగుదేశం పార్టీకి రాజీనామా చేసిన రేవంత్ రెడ్డి ఆ తర్వాత కాంగ్రెస్ పార్టీలో చేరిన విషయం తెల్సిందే. అయితే, రేవంత్ రెడ్డి కాంగ్రెస్ పార్టీలో చేరడంపై కేటీఆర్ తీవ్ర విమర్శలు చేశారు. స్కాం స్టార్లతో కలిసిపోయాడంటూ ట్వీట్ చేశారు.
