తిరుపతి రూరల్ తిమ్మిడినాయుడు పాళెం ప్రాంతం. రేవంత్, నిరోషాలకు నాలుగు నెలల క్రితం వివాహమైంది. టిటిడిలో జూనియర్ అసిస్టెంట్‌గా పనిచేస్తున్నాడు. వివాహ సమయంలో 10 లక్షల నగదు, 10 లక్షల రూపాయల విలువ చేసే నగలును ఇచ్చారు. అయితే ఇంత ఇచ్చినా డబ్బు పిచ్చి మాత్రం అతనికి తగ్గలేదు.
దీంతో భర్త తన భార్య ఫోన్ తీసుకుని అందులో నుంచి గంటకు 3 వేలు, ఇదే నా అడ్రస్ అంటూ కాల్ గర్ల్ అంటూ మెసేజ్‌లు పంపాడు. దీంతో వాట్సాప్ గ్రూపులోని చాలామంది ఫోన్లు చేయడం ప్రారంభించారు. కొంతమంది ఏకంగా ఇంటికే వచ్చేశారు. దీంతో షాక్ తిన్న నిరోషా అసలు ఏం జరుగుతుందో తెలియక అయోమయంలో ఉండిపోయింది. వాట్సాప్ మెసేజ్ చూసి నివ్వెరపోయింది. లబోదిబోమంటూ పోలీసులను ఆశ్రయించింది. భర్త ప్రస్తుతం పరారీలో ఉన్నాడు. నిందితుడి కోసం గాలిస్తున్నారు.
