ఏపీ మంత్రి నారా లోకేష్ తీరుపై టీజీ ఫ్యామిలీ మండిపడుతోందట. పార్టీలో వున్న వారిని కాదని ఫిరాయింపు నేతలకు చినబాబు పెద్ద పీట వేయడంపై టీటీపీలో రచ్చ జరుగుతోంది. చినబాబు తీరు నచ్చకపోయినా టీజీ ఫ్యామిలీ బయటికి కనబడకపోయినా.. లోలోపల మాత్రం మండిపడుతున్నారని టాక్. ఒకప్పుడు తెలుగు దేశానికి కంచుకోటగా ఉన్న కర్నూలు జిల్లాకు పూర్వవైభవం తేవాలన్న లోకేష్ తపన వివాదానికి దారితీసింది.
ఏపీ విభజన సమయంలో కాంగ్రెస్‌పై కోపంతో టి.జి.వెంకటేష్ టీడీపీ తీర్థం పుచ్చుకున్నారు. సహజంగా వాణిజ్యవేత్త, అనేక సేవా కార్యక్రమాలు కూడా ఉండటంతో టిజి వెంకటేష్ పార్టీ మార్పుపై స్థానికంగా పెద్ద వ్యతిరేకత వ్యక్తం కాలేదు. అప్పటినుంచి టీడీపీ లోనే ఉంటున్న టిజి తన వారసత్వ రాజకీయాలకు బాటలు వేసుకుంటూ వచ్చారు.
జిల్లాలో తనకంటూ ఓ మార్క్ చాటుకున్న టీజీ ఇప్పుడు తన కుమారుడి భవిష్యత్తే ధ్యేయంగా పావులు కదుపుతున్నారు. తండ్రి అడుగు జాడల్లో నడుస్తూ అటు భరత్ కూడా కర్నూలు అసెంబ్లీ స్థానానికి పోటీ చేసి తన అదృష్టాన్ని పరీక్షించుకోవాలనుకున్నారు. కానీ నారాలోకేషన్ ప్రస్తుతం అభ్యర్థులను ప్రకటించేయడంపై టీజీ కుటుంబీకులు గుర్రుగా వున్నారని.. దీంతో వేరే పార్టీ మారాలనే ఉద్దేశంతో వున్నట్లు తెలుస్తోంది.
