ఆంధ్రప్రదేశ్ రాష్ట్ర ముఖ్యమంత్రి వైఎస్. జగన్మోహన్ రెడ్డికి హైకోర్టులో ఊరట లభించింది. ఆయనపై నమోదైన సీబీఐ కేసుల్లో ప్రత్యక్ష విచారణ నుంచి మినహాయింపునిచ్చింది. ఈ కేసులపై త్వరలోనే విచారణ ప్రారంభంకానుంది. ఈ నేపథ్యంలో వ్యక్తిగత హాజరు నుంచి మినహాయింపు నివ్వాలని కోరుతూ ఆయన తరపు న్యాయవాదులు కోర్టును ఆశ్రయించారు. దీనిపై విచారణ జరిపిన హైకోర్టు సీఎం జగన్కు ఊరటనిస్తూ ఆదేశాలు జారీచేసింది.
సీబీఐ కేసుల విచారణ సమయంలో త‌న‌కు వ్యక్తిగత హాజరు నుంచి మినహాయింపు ఇవ్వాలని జ‌గ‌న్ దాఖ‌లు చేసిన పిటిష‌న్‌పై శుక్రవారం తెలంగాణ హైకోర్టు విచారణ జ‌రిపింది. త‌న బ‌దులుగా త‌న న్యాయ‌వాది విచార‌ణ‌కు హాజ‌ర‌వుతార‌ని, అందుకు అంగీక‌రించాల‌ని త‌న పిటిష‌న్‌లో జ‌గ‌న్ అభ్య‌ర్థించారు.
