తిరుపతిలో లాక్డౌన్ ఎలా ఉందో పరిశీలిచేందుకు సైకిల్ పై వెళ్లారు స్థానిక ఎమ్మెల్యే భూమన కరుణాకర్‌రెడ్డి. షట్టర్లు మూసేసి ఉన్న షాపుల వద్ద, కూడళ్లలోనూ గంజాయి సేవిస్తూ చాలా మంది కనిపించారు. వాళ్లంతా మాస్క్‌లు ధరించలేదు. పైగా భౌతికదూరం నిబంధన ఉల్లంఘించి మరీ గంజాయి సేవిస్తున్నారు. దీంతో భూమన ఆగి క్లాస్ పీకారు. ఒక చోట.. కాదు.. చాలా చోట్ల ఇవే దృశ్యాలు కనిపించాయి. దీంతో నిషాలో మునిగి తేలుతున్నవారికి గట్టిగానే క్లాస్‌లు తీసుకున్నారు.
తిరుపతిలో చేసిన సైకిల్ యాత్రలో తన అనుభవాలను లేఖలో ఉదహరించారు భూమన కరుణాకర్‌రెడ్డి. తిరుపతి నగరంలో ఎటు చూసినా మత్తు బానిసలు కనిపించారని, ఈ అంశంపై దృష్టి సారించాలని ఎస్పీకి రాసిన లేఖలో ప్రస్తావించారు. తిరుపతిలో ఈ వ్యవహారం హాట్ టాపిక్‌గా మారింది.
