జానారెడ్డి నమ్మకం : త్వరలో తెలంగాణ రాష్ట్ర ఏర్పాటు తథ్యం!
బుధవారం, 5 జూన్ 2013 (10:39 IST)
File
FILE
తెలంగాణ రాష్ట్ర ఏర్పాటు తథ్యమని రాష్ట్ర పంచాయతీ రాజ్ శాఖామంత్రి కె.జానారెడ్డి నమ్మకం వ్యక్తం చేశారు. ఈ ఏర్పాటు కూడా 2014 లోపే ఏర్పాటవుతుందన్న నమ్మకం తనకు ఉందని ఆయన చెప్పుకొచ్చారు.
ప్రస్తుతం ఢిల్లీలో ఉన్న మంత్రి జానారెడ్డి మాట్లాడుతూ.. తెలంగాణ రాష్ట్రాన్ని సాధించే ప్రక్రియలో భాగంగా అతి త్వరలోనే తెలంగాణ నాయకులు మరోసారి ఢిల్లీకి వచ్చి అధినాయకత్వంతో సమావేశమవుతారన్నారు.
అనంతరం పంచాయతీ ఎన్నికల నిర్వహణపై ఆయన స్పందిస్తూ.. జూన్ 11వ తేదీలోపు రిజర్వేషన్లను ఖరారు చేసి ఎన్నికల సంఘానికి అందజేస్తామని, జూలై మొదటి వారంలో ఎన్నికలను పూర్తి చేస్తామని ఆయన చెప్పారు.
