బంధన్ ఇన్నోవేషన్ ఫండ్‌ను ఆవిష్కరించినట్లు బంధన్ మ్యూచువల్ ఫండ్ వెల్లడించింది, ఇది అభివృద్ధి పథంలో వున్న కంపెనీలలో పెట్టుబడి పెట్టడానికి అంకితమైన ఓపెన్-ఎండ్ థీమ్ ఫండ్. ఈ కొత్త ఫండ్ ఆఫర్ బుధవారం, ఏప్రిల్ 10, 2024న ప్రారంభమై ఏప్రిల్ 24, 2024 బుధవారం ముగుస్తుంది. బంధన్ ఇన్నోవేషన్ ఫండ్‌లో పెట్టుబడులను లైసెన్స్ పొందిన మ్యూచువల్ ఫండ్ డిస్ట్రిబ్యూటర్‌లు, పెట్టుబడి సలహాదారులు, ఆన్‌లైన్ ప్లాట్‌ఫారమ్‌లు ద్వారా చేయవచ్చు.
బంధన్ ఏఎంసి యొక్క సీఈఓ విశాల్ కపూర్ ఈ కొత్త ఆఫర్ గురించి మాట్లాడుతూ, "ఆవిష్కరణ స్థిరంగా కంపెనీలను ముందుకు నడిపిస్తుంది. నేడు, భారతదేశం యొక్క అభివృద్ధి చెందుతున్న ఇన్నోవేషన్ ల్యాండ్‌స్కేప్ అద్భుతమైన పెట్టుబడి అవకాశాన్ని అందజేస్తుంది. మేము సాంకేతికతలో మాత్రమే కాకుండా ఫైనాన్స్, ఆటో, టెక్నాలజీ, హెల్త్‌కేర్, ఎంటర్‌టైన్‌మెంట్, రిటైల్ మొదలైన రంగాలలో కూడా అద్భుతమైన మార్పులను గమనిస్తున్నాము. బంధన్ ఇన్నోవేషన్ ఫండ్ ఈ కీలక మార్పులను ఉపయోగించుకోవడానికి రూపొందించబడింది, ఇన్నోవేషన్-ఆధారిత వృద్ధిలో చేరడానికి పెట్టుబడిదారులను ఆహ్వానిస్తుంది" అని అన్నారు.
