భారతదేశంలో అతిపెద్ద వినియోగదారు ఎలక్ట్రానిక్స్ బ్రాండ్ అయిన సామ్‌సంగ్, 2024 క్యాలెండర్ సంవత్సరంలో తమ టెలివిజన్ వ్యాపారం 10000 కోట్ల రూపాయల అమ్మకాలను అధిగమించిందని ఈరోజు వెల్లడించింది. దీనితో భారతదేశంలో టెలివిజన్ పరిశ్రమలో ఈ ముఖ్యమైన మైలురాయిని సాధించిన మొదటి బ్రాండ్‌గా సామ్‌సంగ్ అవతరించింది. ప్రీమియం టీవీల విస్తృతమైన పోర్ట్‌ఫోలియో, పెద్ద-స్క్రీన్, ఏఐ-శక్తివంతమైన టెలివిజన్‌లకు పెరుగుతున్న డిమాండ్ ద్వారా 2025లో రెండంకెల వృద్ధిని సాధించగలమనే నమ్మకాన్ని సామ్‌సంగ్ తెలిపింది.
"సామ్‌సంగ్ ఇండియాకు ఒక మైలురాయి సంవత్సరంగా 2024 నిలుస్తుంది. విలువ పరంగా, మేము రూ. 10,000 కోట్ల టర్నోవర్‌ను సాధించాము. ప్రతి ఫ్రేమ్‌లోకి కొత్త ప్రాణం పోసే, ఇంట్లో సినిమాటిక్ శ్రేష్ఠతకు కొత్త ప్రమాణాలను నిర్దేశించే మా కొత్త ఏఐ టీవీ శ్రేణి ద్వారా మేము ఇప్పుడు ఈ సంవత్సరం రెండంకెల వృద్ధిని సాధించాలని కోరుకుంటున్నాము. ఏఐ-ఆధారిత స్క్రీన్‌ల యొక్క ఈ కొత్త యుగంతో, తదుపరి తరం టీవీ స్వీకరణను వేగవంతం చేయడం, భారతదేశ ప్రీమియం టెలివిజన్ విభాగంలో మా నాయకత్వాన్ని బలోపేతం చేయడం గురించి మేము నమ్మకంగా ఉన్నాము" అని సామ్‌సంగ్ ఇండియా విజువల్ డిస్ప్లే బిజినెస్ సీనియర్ డైరెక్టర్ విప్లేష్ డాంగ్ అన్నారు.
సామ్‌సంగ్ ఇటీవల భారతదేశంలో తమ 2025 టీవీ శ్రేణి విజన్ ఏఐ-ఆధారిత టెలివిజన్‌లను ఆవిష్కరించింది, నియో QLED 8K, నియో QLED 4K, OLED, QLED, ది ఫ్రేమ్‌లలో 40 కంటే ఎక్కువ మోడళ్లను ప్రవేశపెట్టింది. స్క్రీన్‌లను స్మార్ట్‌గా, మరింత సహజంగా, వ్యక్తిగతంగా మార్చడంలో సామ్‌సంగ్ విజన్ ఏఐ ఒక ప్రధాన ముందడుగును సూచిస్తుంది. ఇది టెలివిజన్‌లను అనుకూల కేంద్రాలుగా మారుస్తుంది, వాటి పర్యావరణం, వినియోగదారు ప్రవర్తనలకు ప్రతిస్పందిస్తుంది. అవి రోజువారీ జీవితంలో సజావుగా కలిసిపోతాయి, టీవీని కేవలం డిస్ప్లేగా కాకుండా తెలివైన భాగస్వామిగా మారుస్తాయి. స్మార్ట్ థింగ్స్ ద్వారా పిక్చర్, సౌండ్, సంజ్ఞ-ఆధారిత నావిగేషన్, స్మార్ట్ హోమ్ ఇంటిగ్రేషన్ యొక్క రియల్-టైమ్ ఆప్టిమైజేషన్‌ను సామ్‌సంగ్ విజన్ ఏఐ అందిస్తుంది.
రూ. 49490 నుండి రూ. 11,00,000 మధ్య ధర కలిగిన సామ్‌సంగ్ యొక్క 2025 శ్రేణి, విస్తృత శ్రేణి ధరల వద్ద , స్క్రీన్ పరిమాణాలలో అత్యాధునిక ఆవిష్కరణలను అందుబాటులోకి తీసుకురావటానికి సామ్‌సంగ్ యొక్క వ్యూహాన్ని నొక్కి చెబుతుంది. ఏఐ అప్‌స్కేలింగ్ ప్రో, గ్లేర్-ఫ్రీ వ్యూయింగ్ మరియు జనరేటివ్ ఆర్ట్ వాల్‌పేపర్‌ల వంటి ఆవిష్కరణలను కూడా విజన్ ఏఐ -ఆధారిత శ్రేణి పరిచయం చేస్తుంది, టివిలను కేవలం వినోద పరికరాలుగా కాకుండా ఆధునిక భారతీయ గృహానికి తెలివైన జీవనశైలి కేంద్రాలుగా సామ్‌సంగ్ చేస్తుంది
