హైదరాబాద్ నగరంలోని ఉస్మానియా వైద్య కాలేజీ, జనరల్ ఆస్పత్రిలో ఒప్పంద ప్రాతిపదికన అసిస్టెంట్ ప్రొఫెసర్ పోస్టులను భర్తీ చేయనున్నారు. ఇందుకోసం అర్హులైన అభ్యర్థుల నుంచి దరఖాస్తులను స్వీకరిస్తున్నారు. నోటిఫికేషన్‌కు సంబంధించి దరఖాస్తు ప్రక్రియ, ఖాళీల సంఖ్య, జీతభత్యాలు, ఎంపిక విధానం వంటి వివరాలను పరిశీలిస్తే,
ఇందులో అసిస్టెంట్ ప్రొఫెసర్ పోస్టులు మొత్తం 115 ఉండగా, పోస్టును బట్టి సంబంధిత స్పెషలైజేషన్‌లో ఎండీ, ఎంఎస్, డీఎన్బీలో ఉత్తీర్ణులై ఉండాలి. నెలకు రూ.1,25,000 వరకు వేతనంగా చెల్లిస్తారు.
ఈ పోస్టులకు అకడమిక్ మెరిట్ ఆధారంగా అభ్యర్థులను ఎంపికచేస్తారు. ఆసక్తి కలిగిన అభ్యర్థులు ఆఫ్‌లైన్ ద్వారా దరఖాస్తు చేసుకోవచ్చు. దరఖాస్తులను "ది ప్రిన్సిపాల్, ఉస్మానియా వైద్య కాలేజీ, హైదరాబాద్ 500095 అనే చిరునామాకు ఏప్రిల్ 4వ తేదీ సాయంత్రం 5 గంటలలోపు చేరవేయాల్సి ఉంటుంది.
