క్రిస్మస్ స్పెషల్: నీవు కుడిచేతితో చేసే దానం ఎడమ చేతికి తెలియకూడదు.. ఏసుక్రీస్తు

శుక్రవారం, 23 డిశెంబరు 2016 (17:18 IST)
ప్రపంచ వ్యాప్తంగా క్రిస్మస్ వేడుకలు అట్టహాసంగా జరుగనున్నాయి. ఇందుకు కావలసిన ఏర్పాట్లన్నీ చకచక సాగిపోతున్నాయి. ఏసుక్రీస్తు పుట్టుక మహిమను తెలియజేసే రీతిలో ప్రపంచ వ్యాప్తంగా గల క్రైస్తవులు పండుగ చేసుకునేందుకు రెడీ అయిపోయారు. ఈ నేపథ్యంలో మత్తేయు-6లోని సువార్త విశేషాలను గుర్తు చేసుకుందాం.. జీసస్‌ను ఎలా ప్రార్థించాలనే నియమాలు ఈ అధికారంలో పేర్కొనబడినాయి. అంతేగాకుండా దాన మహిమ, దానం ఎలా చేయాలనే దానిపై కూడా ఇందులో కీలక సువార్తలున్నాయి. 
 
* ఇతరులు చూడాలని, ఇతరులు మెచ్చుకోవాలని ధర్మం (దానం) చేయకుండా జాగ్రత్తపడాలి. ఇతరులకు తెలిసే విధంగా దానాలు చేస్తే పరలోకంలోని ఏసుక్రీస్తు వద్ద మీకు ఫలితం లేదని గమనించాలి. 
 
* అందుకే దానం చేసేటప్పుడు మానవులతో ప్రశంసలు అందుకోకూడదు. నీవు చేసే దానధర్మాలు నీ అంతరాత్మకు తెలిస్తే చాలు. దానం చేస్తున్న విషయం.. అంటే నీ కుడిచేయి దానం చేస్తోంది. ఆ సంగతి ఎడమ చేతికి కూడా తెలియకూడదు. 
 
* అప్పుడే నీ హృదయంలో ఉన్న దేవుడు నీకు ఫలితాలను అందజేస్తాడు. ప్రార్థన చేసేటప్పుడు ప్రార్థనా మందిరాల్లో ఆలయాల చుట్టూ తిరగాల్సిన పనిలేదు. జపం చేయాలనుకున్నప్పుడు నీ గదిలోకి ప్రవేశించి.. తలుపులు మూతపెట్టి నీ హృదయంలోని జీసస్‌ను స్మరించుకుని ప్రార్థించు. అప్పుడే ప్రార్థన పూర్తి ఫలితం నీకు దక్కుతుంది. ఇలాంటి ప్రార్థన ద్వారా మీ కోరికను ముందుగానే ఆ దేవుడు గ్రహిస్తాడు. మరి అందరికీ క్రిస్మస్ శుభాకాంక్షలు..

వెబ్దునియా పై చదవండి