కావలసిన పదార్థాలు : మైదాపిండి.. అర కేజీ రాగిపిండి.. అర కేజీ డాల్డా.. పావు కేజీ పంచదార.. 50 గ్రా. ఉప్పు.. రెండు టీ. వాము పొడి.. ఒక టీ. జీలకర్ర పొడి.. ఒక టీ.
తయారీ విధానం : మైదాలో రాగిపిండి, డాల్డా వేసి మునివేళ్లతో కలిపితే పిండి బ్రెడ్‌పొడిలా తయారవుతుంది. ఇందులో పంచదార పొడి, వాము, జీలకర్ర పొడి వేసి కొద్దిగా నీరు చల్లి మృదువుగా కలిపి గాలి చొరబడకుండా అరగంటసేపు ఉంచాలి. దీన్ని చిన్న చిన్న ముద్దలుగా చేసి గుండ్రని బిళ్లలుగా తయారు చేయాలి. ఇవన్నీ ఒకే సైజులో ఉండేలా చూసుకోవాలి. ఫోర్క్‌తో వాటిమీద అక్కడక్కడా గుచ్చితే బిస్కెట్స్‌ సమంగా బేక్‌ అవుతాయి.
నూనె లేదా నెయ్యి పూత పూసిన పాత్రలో మధ్యలో అంగుళం దూరం ఉండేటట్లుగా ఈ పిండి బిళ్లలను అమర్చి ఇసుక పోసిన కుక్కర్‌లోగానీ, పాత్రలో గానీ ఉంచి.. సుమారు పదినిమిషాలు బేక్‌ చేయాలి. రుచికరమైన సాల్ట్‌ బిస్కెట్స్‌ రెడీ..! ఒవెన్‌లో అయితే ఇరవై నిమిషాలపాటు 350 డిగ్రీల ఫారెన్‌హీట్‌ వద్ద బేక్‌ చేస్తే సరిపోతుంది.
