తొలుత బ్యాటింగ్ చేసిన ఢిల్లీ జట్టు 20 ఓవర్లలో 3 వికెట్ల నష్టానికి 207 పరుగులు చేసింది. జట్టులో డివిడ్ వార్నర్ చెలరేగి 58 బంతుల్లో 12 ఫోర్లు, 3 సిక్సర్ల సాయంతో 92 పరుగులు చేయగా, రోన్‌మన్ పావెల్ 35 బంతుల్లో 3 ఫోర్లు, 6 సిక్స్‌ల సాయంతో 67 రన్స్, మిచెల్ మార్ష్ 10, పంత్ 26 చొప్పున పరుగులు చేశారు. మన‌దీప్ డకౌట్ అయ్యాడు.
ఆ తర్వాత 208 పరుగుల విజయలక్ష్య ఛేదన కోసం బ్యాటింగ్‌కు దిగిన హైదరాబాద్ జట్టు 20 ఓవర్లలో 8 వికెట్ల నష్టానికి 186 పరుగులు మాత్రమే చేసింది. ఫలితంగా విజయాన్ని 22 పరుగుల దూరంలో వచ్చి ఆగిపోయింది. ఆ జట్టులో అభిషేక్ 7, విలియమ్సన్ 4, రాహుల్ త్రిపాఠి 22, మార్కరమ్ 42 చొప్పున పరుగులు చేశారు.
అయితే, నికోలస్ పూరన్ మాత్రం 34 బంతుల్లో 2 ఫోర్లు, ఆరు సిక్సర్ల సాయంతో విరుచుకుపడి 62 పరుగులు చేసి జట్టును విజయం దిశగా నడిపించే ప్రయత్నం చేశాడు. కానీ, పూరన్ అవుట్ అయిన తర్వాత హైదరాబాద్ ఓటమి ఖరారైపోయింది. జట్టు భారీ స్కోరు చేయడంలో కీలక పాత్ర పోషించిన వార్నర్‌కు మ్యాన్ ఆఫ్ ది మ్యాచ్ అవార్డు వరించింది.
