అండర్-23 క్రికెటర్ అనూజ్ దేడాపై జీవితకాల నిషేధం విధించారు. ఢిల్లీ డిస్ట్రిక్స్ అసోసియేషన్, సీనియర్ సెలక్షన్ కమిటీ ఛైర్మన్ అమిత్ భండారీపై దాడికి పాల్పడినందుకు గానూ దేడాపై ఈ జీవిత కాల నిషేధం విధించడమైంది. భారత క్రికెట్ జట్టు మాజీ పేసర్, డీడీసీఏ సెలక్షన్ కమిట ఛైర్మన్ అమిత్ భండారిపై నాలుగు రోజుల క్రితం అనూజ్ బృందం దాడికి పాల్పడింది.
సయ్యద్ ముస్తాక్ అలీ టీ-20 టోర్నీ కోసం స్థానిక స్టీఫెన్స్ మైదానంలో సాగుతున్న ఢిల్లీ సీనియర్ క్రికెట్ జట్టు ప్రాక్టీస్ సెషన్‌ను భండారి పరిశీలిస్తున్న తరుణంలో.. ఇనుప రాడ్లు, సైకిల్ చైన్లతో అనూజ్ బృందం దాడికి పాల్పడింది. అంతేగాకుండా ఆ బృందంలోని ఒకడు తుపాకీతో బెదిరించాడు. దీంతో భండారి పారిపోయేందుకు ప్రయత్నించినా వెంటాడి మరీ దాడికి పాల్పడ్డారు.
