పాకిస్తాన్ క్రికెటర్, సానియా మీర్జా భర్త షోయబ్ మాలిక్ తన రిటైర్మెంట్‌పై వస్తున్న వార్తలపై మండిపడ్డాడు. తనకు ఇంకా 39 ఏళ్లే అని.. ఇప్పట్లో తాను రిటైర్ అయ్యే ప్రసక్తే లేదని మాలిక్ స్పష్టం చేశాడు. షోయబ్ మాలిక్ క్రికెట్ నుంచి రిటైర్ అవుతున్నట్లు ఈ మధ్య పాకిస్తాన్ మీడియాతో పాటు సోషల్ మీడియాలో విస్తృతంగా ప్రచారం జరిగింది.
ఈ నేపథ్యంలో మాలిక్ తన రిటైర్మెంట్ వార్తలను కొట్టి పారేశాడు. తనకు రిటైర్మంట్ ప్రకటించే ఛాన్స్ లేదంటూ స్పష్టం చేశాడు. "నేను ఇంకా ఫిట్‌గా ఉన్నాను. నేను బ్యాటింగ్, బౌలింగ్ చేయగలను" అని మాలిక్ ట్వీట్ చేశాడు.
